Tschüß Gerd,

Du büst nich von uns gahn, Du büst uns op den Weg in de Ewigkeit een lütt beten vörut.                   
Över mihr as dörtig Johr hest Du för den Eidelstedter Börgervereen Verantwortung övernahmen un de Vereens-arbeid mit veel Leev un Hardblod ünnerstützt. Gliecks na Din Intritt büst Du in’n Vörstand as Schriftführer wählt wor’n und hest later in all de Johrn as Bisitter den Vör-stand ünner de Arms grepen. För Dine besünneren Ver-deenste hett de Vereen Di mit de „Gullen Ehrennodel“ uttekend.
Heel besonners blifft uns avers Din Tätigkeit in’n Presse-utschuß in Erinnerung. All Din plattdütschen Geschichten in uns’ Mitdeelungsblatt hebbt uns veel Freud mokt un to’n Nadenkern Anlaß geven. Bit in’t hohe Öller wierst Du ümmer to Stell, wenn dat op Festen wat to’n vördregen gev oder Du as Wiehnachtsmann för Kinner un Erwassene veel Freud praat harrst.
Lever Gerd, de Vereensmitglieder un de Vörstand dankt Di för de Johrn, de se mit Di verleben döften un warrt Di nich vergeten.
Din Fründ
Hans Bull